FORO HIPOTECARIO DE ADICAE

11 de abril ás 18 horas no Centro Sociocultural do Ensanche

 

A xornada deste xoves servirá para reunir aos distintos partidos políticos do Concello de Santiago de Compostela e comunicarlles cales son as reivindicacións cidadás, así como para esixirlles solucións, para que expliquen cales son as súas propostas para solucionar este problema. Estarán presentes portavoces do BNG, do PSOE, do PP e de AGE, en concreto:

• Rubén Cela Díaz do BNG.
• Xosé Antonio Sánchez Bugallo do PSOE.
• Jaime Castiñeira Broz do grupo parlamentario do PP.
• Juan Manuel Fajardo Recouso do grupo parlamentario de AGE.

Por outra banda tamén asistirán outras asociacións e colectivos presentes hoxe en día na actualidade galega,  como é o caso de STOP Desafiuzamentos e do mesmo xeito contarase coa presenza dun avogado colaborador de ADICAE que explicará todo o relativo ás ultimas sentenzas que xurdiron tanto a nivel estatal como a nivel europeo.

Servizos de emprego e ofertas de traballo

A Asociación Veciñal de Pontepedriña, preocupada pola situación laboral que estamos sufrindo, e tendo entre os seus intereses a dinamización e mellora das condicións socioeconómicas do barrio, pon en marcha dous programas gratuítos para facilitar que os veciños e as veciñas que o precisen atopen traballo:

- PONTEMPREGO: Dirixido a calquera persoa do barrio e do entorno que busque traballo ou queira mellorar as súas condicións laborais. A finalidade é a creación dunha bolsa de emprego, á que poidan acudir quen necesiten contratar un traballo.

- SERVIPONT: É unha bolsa para que os profesionais de Pontepedriña e arredores (fontaneiros, albaneis, modistas, coidadores, etc.) poidan ofertar o seu traballo aos habitantes do barrio.

Para facer uso destes servizos as persoas interesadas deben acudir ao Centro Sociocultural de Pontepedriña (Amor Ruibal, 26) os luns de 19 a 20 horas, ou chamar ao teléfono 622925621.

Proxección de 'Mis ahorros, su botín'

O 5 decembro ás 18,30 horas no Centro Sociocultural O Ensanche (R/Frei Rosendo Salvado, 14 -16, baixo) en Santiago de Compostela ADICAE (Asociación de Consumidores y Usuarios de Bancos, Cajas y Seguros) proxectará o documental "MIS AHORROS, SU BOTÍN” con debate posterior sobre os fraudes ao aforro.

O documental realizado por ADICAE aborda as distintas realidades e perspectivas do aforro tras ano de conflito e no actual contexto de crise. No filme participan personalidades do mundo económico e financeiro, e persoas afectadas, explicando as orixes dos problemas e como afrontalos de cara ao futuro.

“Lo que me habían prometido no me lo daban”. “Nos quitaron nuestros ahorros. Nuestra finalidad era la de ahorrar y punto”. “Me siento defraudado, no pensaba que fueran a hacerme semejante jugada”. Son tres testemuñas que poñen voz a como as malas prácticas bancarias acabaron cos aforros de toda unha vida. É necesario un cambio na relación entre as entidades e os clientes, así como unha maior educación financeira dos cidadáns que evite os erros do pasado. Este é o gran obxectivo do documental.

Confirmar asistencia no teléfono 981 947 397 o no correo santiagodecompostela@adicae.net.

ADICAE GALICIA - DELEGACIóN DE SANTIAGO DE COMPOSTELA- Rúa Vilagarcía, 2- oficinas (Praza de Vigo) 15706 Santiago de Compostela Tlf./Fax: 981 941 397