A Asociación Veciñal
de Pontepedriña vén de organizar de novo a campaña de recollida de alimentos.
Este ano, en principio, precísanse alimentos
non perecedeiros (ao igual que na anterior ocasión) e, a maiores, artigos para o almorzo e merenda dos máis
pequenos e pequenas da casa (cacaos, leite, cereais e artigos en xeral non
perecedeiros).
As
aportacións pódense deixar no CSC do barrio, no horario de apertura do mesmo,
que é Luns e Venres de 16:00 a 21:30, Mércores e Xoves, de 17:00 a 20:00
e Sábados a mañán, de 10:00 a 14:00.
Agradecemos de
antemán a colaboración que nesta campaña poidamos entre todos brindar, así como
a difusión desta comunicación entre as veciñas e veciños.
